عن المعماري
من نحن
المعماري شركة متخصصة في التصميم الداخلي وتشطيب الشقق والفيلات، بخبرة تمتد لأكتر من 20 سنة في مجال التشطيبات والأعمال الهندسية.
من أول يوم، كان هدفنا بسيط وواضح:
نخلّي العميل فاهم هو بيشطب إزاي، وبيصرف كام، وليه.
علشان كده اشتغلنا بطريقة مختلفة عن اللي موجود في السوق، بعيدًا عن الباقات الجاهزة، وسعر المتر، ونِسَب الإشراف اللي بتسبب لخبطة وتكلفة غير متوقعة.
هدفنا
إحنا شوفنا على مدار سنين شغلنا ناس كتير بتبدأ تشطيب وهي متطمنة،
وبعد شوية تتفاجئ بتكاليف زيادة، أو تغييرات مكنتش في الحسبان.
المشكلة دي كانت دايمًا في عدم الوضوح من البداية.
ومن هنا بدأت فكرة المعماري…
إن كل حاجة تتحسب بالمقايسة، وكل بند يكون واضح، وكل اختيار يبقى بإيد العميل.
بنشتغل إزاي؟
شغلنا بيبدأ دايمًا بالمعاينة.
بنزور المكان، نرفع المقاسات الفعلية، ونفهم احتياجات العميل وطريقة استخدامه للمساحة.
بعدها بنقدّم تصميم 2D يوضح توزيع الفراغات والفرش،
ومقايسة تفصيلية فيها كل البنود والكميات والمواصفات، وأكتر من اختيار سعر.
بالطريقة دي، العميل بيبقى عارف التكلفة كاملة من البداية،
وبيختار اللي يناسبه من غير ضغط أو التزام.
احجز معاينتك المجانية،
سعداء نجاوب على كل استفساراتك.
لو محتاج تشطيب شقة أو فيلا، أو تصميم لأي مشروع، أو حابب تعرف التكلفة قبل ما تبدأ،
تواصل معانا دلوقتي وحدد معاد المعاينة، وهنشرحلك كل حاجة ببساطة ووضوح.